اسلام آباد: محکمہ پاسپورٹ نے شناختی کارڈ پر ایڈریس کی شرط کو ختم کرنے کا اعلان کیا ہے۔ اس فیصلے کے تحت نئے پاسپورٹ رولز میں ترمیم کا مراسلہ علاقائی دفاتر کو بھیج دیا گیا ہے، جس سے شہریوں کو پاسپورٹ کے حصول میں مزید سہولت فراہم کی جائے گی۔
اب شہری کسی بھی شہر سے پاسپورٹ کے لیے درخواست دے سکتے ہیں، اور ایڈریس کی بنیاد پر پاسپورٹ کی درخواست کو مسترد نہیں کیا جائے گا۔ ڈائریکٹر جنرل پاسپورٹ نے وضاحت کی کہ یہ فیصلہ شہریوں کی مشکلات کو مدنظر رکھتے ہوئے کیا گیا ہے۔
