ممبئی :بھارتی ٹینس سٹار ثانیہ مرزا نے اپنے بیٹے اذہان ملک کے ساتھ کچھ نئی تصاویر سوشل میڈیا پر شیئر کی ہیں، جو دیکھتے ہی دیکھتے وائرل ہو گئی ہیں۔
ثانیہ نے اپنی انسٹاگرام پوسٹ میں اذہان کے لیے محبت بھرا پیغام لکھا، "مجھے یقین نہیں آ رہا کہ تم چھ سال کے ہوگئے ہو۔ تم میرے مسکرانے کی وجہ ہو۔" ان تصاویر میں اذہان کا اسپیشل فٹبال تھیم دکھایا گیا ہے، جس میں ایک شرٹ پر اذہان اور دوسری پر رونالڈو کا نام درج ہے، اور دونوں ایک دوسرے کے ہاتھ تھامے ہوئے ہیں۔
ثانیہ کی اس پوسٹ پر سوشل میڈیا صارفین اور شوبز شخصیات نے اذہان کو سالگرہ کی مبارکباد اور نیک خواہشات دینا شروع کر دیا ہے۔
یاد رہے کہ شعیب ملک اور ثانیہ مرزا نے 2010 میں شادی کی تھی، اور ان کا بیٹا اذہان 2018 میں پیدا ہوا۔ دونوں نے 2023 میں علیحدگی اختیار کی، جبکہ شعیب ملک نے اسی سال پاکستانی اداکارہ ثناء جاوید سے شادی کی۔ اس وقت ثانیہ مرزا اپنے بیٹے اذہان کے ساتھ دبئی میں رہ رہی ہیں۔
