نارتھ کیرولینا:نارتھ کیرولینا میں ایک شخص کی زندگی ایک 20 ڈالر کے نوٹ کی بدولت راتوں رات تبدیل ہو گئی۔
یہ واقعہ اس وقت پیش آیا جب جیری ہکس سامان خریدنے کے لیے ایک دکان پر جا رہے تھے کہ پارکنگ ایریا میں انہیں 20ڈالر کا نوٹ ملا۔
انہوں نے اس رقم سے لاٹری کا ٹکٹ خریدا اور حیرت انگیز طور پر 10 لاکھ ڈالر (تقریباً 28 کروڑ پاکستانی روپے) جیت لیے۔ دلچسپ بات یہ ہے کہ جیری دراصل ایک مختلف قسم کا ٹکٹ خریدنے کا ارادہ رکھتے تھے، لیکن وہ دکان میں موجود نہیں تھا، جس کی وجہ سے انہیں یہ لاٹری ٹکٹ خریدنا پڑا۔
جیتنے کے بعد، جیری نے فیصلہ کیا کہ وہ پوری انعامی رقم ایک ساتھ لیں گے۔ ٹیکس کی کٹوتی کے بعد انہیں 4 لاکھ 29 ہزار ڈالر ملے، جسے وہ اپنی فیملی کے ساتھ خوشیوں میں خرچ کرنے کا ارادہ رکھتے ہیں۔
56 سال کی عمر میں ریٹائر ہونے کا منصوبہ بنانے والے جیری نے کہا کہ وہ اپنی فیملی کے ساتھ ایک مقامی ہوٹل میں جائیں گے اور وہاں مختلف قسم کے کھانے کا لطف اٹھائیں گے۔
