کولکتہ: انٹرنیشنل کر کٹ کونسل (آئی سی سی) ورلڈ کپ میں آج پاکستانی ٹیم کا اہم مقابلہ بنگال ٹائیگرز کیساتھ ہو گا۔
پاکستان کے پاس سیمی فائنل کی دوڑ میں شامل ہونے کا آج آخری موقع ہے۔بھارت میں ہونے والے ورلڈ کپ 2023 میں ٹورنامنٹ کے اگلے مرحلے میں جانے کیلئے پاکستان کی کرکٹ ٹیم کو آج بنگلا دیش کیخلاف لازمی جیتنا ہو گا۔
A must-win match for both teams
— ICC (@ICC) October 31, 2023
Who keeps their #CWC23 semi-final hopes alive in Kolkata?
More on #PAKvBAN ➡️ https://t.co/ENaUyJ9yaA pic.twitter.com/4wkVTtIJTD
آئی سی سی ورلڈ کپ کا 31 واں میچ پاکستان اور بنگلہ دیش کے درمیان پاکستانی وقت کے مطابق دوپہرڈیڑھ بجے بھارت کے شہر کولکتہ کے ایڈن گارڈن کرکٹ سٹیڈیم میں کھیلا جائے گا۔
پاکستانی ٹیم نے اہم میچ سے قبل بھر پور پریکٹس کی، کھلاڑیوں نے بیٹنگ، باؤلنگ اور فیلڈنگ کی مشقیں کیں، حسن علی اور فخر زمان نے بھی پریکٹس سیشن میں حصہ لیا.
#PAKvBAN | #CWC23 | #DattKePakistani pic.twitter.com/KdBSbNciih
— Pakistan Cricket (@TheRealPCB) October 30, 2023
قومی ٹیم میں بنگلا دیش کیخلاف میچ میں تین تبدیلیوں کا امکان ہے، امام الحق کی جگہ فخر زمان، محمد نواز کی جگہ سلمان علی آغا اور شاداب خان کی جگہ اسامہ میر کو ٹیم میں شامل کیے جانے کا امکان ہے۔
ورلڈ کپ 2023میں پاکستان 6 میچز میں سے 2 میں جیت حاصل کر کے پوائنٹس ٹیبل پر 4 پوائنٹس کے ساتھ ساتوٰیں نمبر پر ہے جبکہ بنگلا دیش کی ٹیم نے بھی 6 میچز میں سے صرف ایک میں کامیابی حاصل کی ہے، جس کے بعد بنگال ٹائیگرز 2 پوائنٹس کے ساتھ ٹیبل پر 9 ویں نمبر پر ہیں۔
مجموعی طور پر پاکستان اور بنگلہ دیش 38 ون ڈے میچز میں آمنے سامنے آ چکے ہیں۔ جن میں پاکستان نے 33 اور بنگالہ دیش صرف 5 میں کامیابی حاصل کی۔
ون ڈے ورلڈ کپ میں پاکستان اور بنگلہ دیش دو بار کھیل چکے ہیں جس میں دونوں ٹیمیں ایک ایک میچ میں جیت کے ساتھ برابر ہیں۔
ممکنہ پلیئنگ الیون
پاکستان: عبداللہ شفیق، فخر زمان، بابر اعظم (کپتان)، محمد رضوان (وکٹ کیپر)، سعود شکیل، افتخار احمد، سلمان علی آغا، اسامہ میر، محمد وسیم، شاہین شاہ آفریدی، حارث رؤف
بنگلہ دیش: لٹن داس، تنزید حسن تمیم، مہدی حسن میراز، نجم الحسن شانتو، شکیب الحسن (کپتان)، مشفق الرحیم(وکٹ کیپر)، محمود اللہ، مہدی حسن، تسکین احمد، مستفیض الرحمان، شرف الاسلام
