اسلام آباد: وزیراعظم عمران خان نے تیز گام ایکسپریس کو پیش آنے والے افسوسناک واقعے کی ہنگامی بنیادوں پر انکوائری کا حکم دیا ہے۔وزیراعظم عمران خان نے اپنے بیان میں کہا ہے کہ تیز گام ایکسپریس کو پیش آنے والے سانحے پر شدید دکھ کا اظہار کرتے ہوئے جاں بحق افراد کے اہل خانہ تعزیت کا اظہار کیا ہے۔
وزیراعظم نے سانحے کے زخمیوں کی جلد صحتیابی کے لیے دعا کرنے کے ساتھ حکام کو تمام تر طبی سہولیات فراہم کرنے کے احکامات بھی جاری کیے ہیں۔
کراچی سے چلنے والی تیز گام ایکسپریس لیاقت پور کے قریب گیس سلنڈر پھنٹے کے باعث حادثے کا شکار ہو گئی تھی۔
وزیر ریلوے شیخ رشید نے حادثے کا ذمہ دار مسافروں کو ٹھہرایا ہے جب کہ چیئرمین ریلوے سکندر سلطان نے تیز گام ایکسپریس کو پیش آنے والے حادثے کی تحقیقات کے لیے احکامات جاری کر دیئے گئے ہیں۔
میڈیا سے گفتگو کرتے ہوئے چیئرمین ریلوے سکندر سلطان راجہ نے بتایا کہ انسپکٹر آف ریلوے کی سربراہی میں تحقیقات کا حکم دے دیا ہے اور وہ اس بات کا تعین کریں گے کہ سلینڈر کس طرح ٹرین میں لے جانے کی اجازت دی گئی۔
