جینن : مقبوضہ مغربی کنارے کے شہر جینن میں فلسطینی مزاحمت کاروں کے ساتھ فائرنگ کے تبادلے میں ایک اسرائیلی فوجی ہلاک اور پانچ زخمی ہو گئے ہیں۔ اسرائیلی میڈیا کے مطابق یہ واقعہ جمعرات کو پیش آیا، جس میں زخمی ہونے والے پانچ فوجیوں میں سے ایک کی حالت تشویشناک بتائی گئی ہے۔
ہلاک ہونے والے فوجی کی شناخت 20 سالہ لیام ہازی کے طور پر کی گئی ہے۔ اسرائیلی فورسز کی جانب سے ابھی تک اس واقعہ پر کوئی تفصیلی بیان جاری نہیں کیا گیا، تاہم اس حملے کے بعد علاقے میں کشیدگی میں مزید اضافے کا خدشہ ظاہر کیا جا رہا ہے۔