راولپنڈی : سابق وفاقی وزیر شیخ رشید نے آئندہ عام انتخابات کے لیے اپنے کاغذات نامزدگی مسترد ہونے پر عدالت سے رجوع کرنے کا اعلان کیا ہے۔
اتوار کو ایک پریس کانفرنس میں وہ کہتے ہیں کہ یہ سازش ہے، عوام کی طرف سے پارٹی کو شکست نہیں دے سکے اس لیے یہ اب انھیں نااہل قرار دینا چاہتے ہیں۔
انہوں نے مطالبہ کیا کہ لوگوں کو الیکشن لڑنے کی اجازت دی جائے۔ وہ کہتے ہیں کہ انھیں مری میں کسی گیسٹ ہاؤس کا نادہندہ قرار دیا گیا تاہم وہ کبھی ان تاریخوں میں وہاں رہے ہی نہیں۔
انہوں نے کہا کہ سپریم کورٹ نے عمران خان کے علاوہ ’مجھے بھی صادق اور امین قرار دیا تھا۔میں نے چالیس دن کا چھلہ کاٹا، میں نے قوم کا مطالبہ رکھا سب کو معاف کر دیا جائے۔