اسلام آباد: چیئرمین تحریک انصاف بیرسٹر گوہر کاکہنا ہےکہ ملک بھر میں ریاستی مشینری پی ٹی آئی کے خلاف متحرک ہے۔ تحریک انصاف کے چیئرمین بیرسٹر گوہر علی خان نے الزام عائد کیا ہے کہ ملک بھر میں ریاستی مشینری تحریک انصاف کے امیدواروں کے خلاف متحرک ہے۔
ان کاکہنا تھاکہ ملک بھر میں انتخابی عمل اور طریقہ کار کی سنگین خلاف ورزیاں جاری ہیں اور ریٹرننگ افسران کے دفاتر سے دور رکھنے ہر ممکن کوشش کی جارہی ہے۔ ملک بھر میں ریاستی مشینری تحریک انصاف کے امیدواروں کے خلاف متحرک ہے اور تجویز و تائید کنندگان یا خود امیدواروں کو ڈرایا دھمکایا جارہا ہے۔
چیئرمین تحریک انصاف نے کہا کہ انتخابی عمل میں یہ تمام تر سلسلہ دستوری فرائض کی انجام دہی کے حوالے سے الیکشن کمیشن آف پاکستان کی واضح ناکامی کا ثبوت ہے۔
بیرسٹر نے اپنی جماعت کے ساتھ ہونے والے سلوک کی شدید الفاظ میں مذمت کرتے ہوئے واضح کیا کہ تمام تر حربوں کے باوجود ہماری جماعت آٹھ فروری تک پوری طرح میدان میں سرگرم رہے گی۔
