ممبئی: بھارتی لیجنڈ اداکار رجنی کانت نے سیاست میں آنے کا فیصلہ کر لیا جس پر امیتابھ بچن نے انہیں مبارکباد بھی دے دی ہے۔
بھارتی میڈیا رپورٹس کے مطابق تامل اوربالی ووڈ کے لیجنڈ اداکاررجنی کانت نے سیاست میں قدم رکھنے کا فیصلہ کرتے ہوئے اپنی پارٹی بنانے کا بھی اعلان کردیا ہے۔ اداکارکا ایک تقریب کے دوران کہنا تھا کہ وہ آنے والے 2021 کے انتخابات میں بھارتی ریاست تامل ناڈومیں اسمبلی کے تمام حلقوں میں اپنے امیدوارمیدان میں لائیں گے۔ معروف اداکار امیتابھ بچن نے انہیں مبارکباد دیتے ہوئے کامیابی کے لیے نیک خواہشات کا اظہار کیا ہے۔
T 2758 - My dear friend , my colleague and a humble considerate human, RAJNIKANTH, announces his decision to enter politics .. my best wishes to him for his success !!???????? pic.twitter.com/dByrmlZb2c
— Amitabh Bachchan (@SrBachchan) December 31, 2017
اداکارکا سیاست میں قدم رکھنے کے حوالے سے کہنا تھا کہ وہ عہدے کے لیے نہیں بلکہ عوام کی خدمت کے لیے سیاست میں قدم رکھنا چاہتے ہیں۔ اداکارنے کہا کہ 1996 میں بھی سیاست میں آکرعہدہ حاصل کرسکتا تھا پر اس وقت میری عمر 45 برس تھی تاہم اب میری سیاست کسی مذہب، نسل، ذات پرنہیں بلکہ روحانیت پرمبنی ہوگی۔اداکارکا کہنا تھا کہ پورے سسٹم کو تبدیل ہونے کی ضرورت ہے، بھارت میں جمہوریت کرپٹ ہوچکی ہے جسے ٹھیک کرنے کی ضرورت ہے، ایک وقت تھا جب حکمران دوسرے ممالک کو لوٹا کرتے تھے پر اب ایسا وقت ا?گیا ہے کہ حکمران اب اپنے ہی ملک کو لوٹتے ہیں۔ اداکار نے مزید کہا کہ سیاست فلم نہیں یہاں ہمیں خود کی ا?واز کو کونے کونے تک پہچانی ہوتی ہے۔
