اسلام آباد: عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ بلاول نے ایک گھنٹے میں کھربوں میں چندہ لے کر دنیا کو انگشت بدنداں کر دیا ہے۔
تفصیلات کے مطابق سماجی رابطوں کی ویب سائٹ ٹوئٹر پر جاری پیغام میں شیخ رشید احمد نے لکھا ’ بلاول نے ایک گھنٹے میں کھربوں میں چندہ لے کردنیا کو انگشت بدنداں کر دیا ہے۔ سندھ کا کوئی وزیر عوام میں جانے کی جرات نہیں کر رہا۔ سیلابی تباہی پر بھی کمپنی کی مشہوری کا مقابلہ جاری ہے۔ 25کلومیٹر کی بھکاری حکومت نہ تخمینہ لگا سکی، نہ منصوبہ بندی کر سکی۔یہ ایجنڈامکمل ہونے پرنکال دئیے جائیں گے۔‘
بلاول نے ایک گھنٹے میں کھربوں میں چندہ لے کردنیا کو انگشتِ بدنداں کردیا ہے۔سندھ کا کوئی وزیرعوام میں جانے کی جرات نہیں کررہا۔سیلابی تباہی پربھی کمپنی کی مشہوری کامقابلہ جاری ہے۔25کلومیٹر کی بھکاری حکومت نہ تخمینہ لگا سکی،نہ منصوبہ بندی کرسکی۔یہ ایجنڈامکمل ہونے پرنکال دیے جائیں گے
— Sheikh Rashid Ahmed (@ShkhRasheed) August 31, 2022
ایک اور ٹویٹ میں انہوں نے لکھا ’ حکمران خواب غفلت سے باہرنہیں آئے۔ وزراءکی تعداد آئین اور قانون کی پابندی کی حد کو پار کر گئی ہے۔ شہباز شریف نے نواز شریف کے بیانئے کو زمین بوس کر دیا ہے۔ سیلاب تو چلا جائے گا لیکن غریب عوام مزید تباہی اور مہنگائی کے سیلاب میں آئیں گے۔انڈیا سے تجارت اوردوحہ میں مشکوک میٹنگ سوالیہ نشان ہے۔‘
حکمران خواب غفلت سے باہرنہیں آئے۔وزراءکی تعداد آئین اورقانون کی پابندی کی حدکو پارکر گئی ہے۔شہبازشریف نے نوازشریف کے بیانیے کوزمین بوس کردیا ہے۔سیلاب تو چلا جائے گا لیکن غریب عوام مزید تباہی اور مہنگائی کےسیلاب میں آئیں گے۔انڈیا سے تجارت اوردوحا میں مشکوک میٹنگ سوالیہ نشان ہے
— Sheikh Rashid Ahmed (@ShkhRasheed) August 31, 2022
