لاس اینجلس: ایوارڈ یافتہ امریکن اداکارہ جولیا لوئس نے انکشاف کیا ہے کہ وہ بھی دنیا کی دیگر خواتین کی طرح ’بریسٹ کینسر‘ کا شکار ہیں۔ امریکی کامیڈی سیریز’ویپ‘ سے شہرت حاصل کرنے والی اداکارہ نے یہ انکشاف ایک ٹوئیٹ کے ذریعے کیا۔
ٹوئیٹ میں انہوں نے لکھا کہ دنیا کی ہر آٹھویں خاتون بریسٹ کینسر کا شکار ہے اور ان میں سے وہ بھی ایک ہیں۔ جولیا لوئس نے لکھا کہ اچھی خبر یہ ہے کہ ان کے پاس ان کی دیکھ بھال کرنے والے ڈھیر سارے دوست اور افراد ہیں جبکہ ان کی انشورنس بھی ہے۔ 56 سالہ اداکارہ نے ٹوئیٹ میں مزید لکھا کہ بُری خبر یہ ہے کہ دنیا کی ہر عورت ان کی طرح خوش قسمت نہیں سو ہم کینسر کے خلاف لڑیں اور عالمی صحت کو یقینی بنائیں۔
Just when you thought... pic.twitter.com/SbtYChwiEj
— Julia Louis-Dreyfus (@OfficialJLD) September 28, 2017
جولیا لوئس کی جانب سے یہ خبر ایک ایسے وقت میں شیئر کی گئی، جب 2 ہفتے قبل ہی انہوں نے چھٹا ’ایمی ایوارڈ‘ جیتا تھا۔ بریسٹ کینسر کا شکار ہونے والی 56 سالہ اداکارہ کے 2 بچے بھی ہیں وہ اداکار براڈ ہال کی اہلیہ ہیں۔
اداکارہ کی جانب سے ’بریسٹ کینسر‘ کے شکار ہونے کی خبر شیئر کیے جانے کے بعد ان کے مداحوں نے ان کی حمایت کی اور ان کی صحت یابی کے لیے نیک خواہشات کا اظہار کیا۔ جولیا لوئس کے لیے سابق نائب امریکی صدر جوبائیڈن نے بھی نیک خواہشات کا اظہار کیا۔ ان کا کہنا تھا کہ ان کی اور ان کے اہل خانہ کی نیک خواہشات اداکارہ کے ساتھ ہیں۔ یاد رہے کہ سابق نائب امریکی صدر جوبائیڈن کا 46 سالہ بیٹا بیو بائیڈن 2015 میں بریسٹ کینسر کی وجہ سے چل بسا تھا۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
