راولپنڈی :سیکیورٹی فورسز نے ضلع ژوب میں خفیہ معلومات کی بنیاد پر ایک آپریشن کے دوران شدید فائرنگ کے تبادلے میں ایک خارجی کو ہلاک کر دیا، جبکہ دوسرے خارجی کو زخمی حالت میں گرفتار کر لیا گیا۔
پاک فوج کے شعبہ تعلقات عامہ (آئی ایس پی آر) کے مطابق، یہ آپریشن سمبازہ کے علاقے میں خوارج کی موجودگی کی اطلاع پر کیا گیا تھا۔
آئی ایس پی آر کے بیان کے مطابق، آپریشن کے دوران ہتھیار اور گولہ بارود بھی برآمد کیا گیا ہے۔
آئی ایس پی آر نے مزید بتایا کہ علاقے میں موجود خارجی عناصر کے خاتمے کے لیے کلیئرنس آپریشن جاری ہے۔
