کراچی: کاروباری ہفتے کے تیسرے روز ملک میں سونے کی قیمت میں نمایاں اضافہ دیکھنے میں آیا ہے۔ فی تولہ سونا 2,900 روپے بڑھ کر 2 لاکھ 87 ہزار 900 روپے تک جا پہنچا، جبکہ 10 گرام سونے کی قیمت میں 2,486 روپے کے اضافے سے 2 لاکھ 46 ہزار 828 روپے ہوگئی۔
قیمت میں اضافے کی وجہ مشرق وسطیٰ میں جنگی صورتحال قرار ماہرین کے مطابق، سونے کی قیمتوں میں اضافے کی بنیادی وجہ مشرق وسطیٰ کی موجودہ جنگی صورتحال ہے۔ عالمی مارکیٹ میں بے یقینی اور ڈالر کے نرخ میں اتار چڑھاؤ نے سونے کی قیمتوں کو متاثر کیا ہے۔
زیورات کی خریداری مشکل، نقلی زیورات پر انحصار سونے کی بلند قیمتوں نے عام آدمی کے لیے اصلی زیورات خریدنا مشکل بنا دیا ہے۔ خواتین کا کہنا ہے کہ بڑھتی ہوئی قیمتوں کے سبب شادی بیاہ میں نقلی زیورات پر انحصار کرنا پڑ رہا ہے۔
اقساط پر سونے کی جیولری کی فروخت شروع چند جیولرز نے سونے کی جیولری کو آسان اقساط میں فروخت کرنے کی اسکیم متعارف کروائی ہے تاکہ لوگوں کو مہنگے زیورات خریدنے میں سہولت مل سکے۔
ماہرین کی پیش گوئی: سونے کی قیمت 3 لاکھ روپے فی تولہ تک جاسکتی ہے ماہرین کا کہنا ہے کہ محفوظ سرمایہ کاری کے رجحان کے تحت لوگ اب سونے کے بسکٹ اور سکے خرید رہے ہیں۔ ان کے خیال میں قیمتوں میں اضافہ جاری رہنے کی توقع ہے اور سونے کی فی تولہ قیمت مستقبل قریب میں 3 لاکھ روپے سے بھی تجاوز کرسکتی ہے۔