لاہور : محکمہ موسمیات نے گلگت بلتستان میں گرج چمک کے ساتھ بارش کی پیشگوئی کی ہے۔
ملک کے بیشتر علاقوں میں موسم خشک رہنے کی توقع ہے، مگر گلگت بلتستان میں کچھ مقامات پر تیز ہواؤں کے ساتھ ہلکی بارش اور بلند پہاڑوں پر ہلکی برف باری ہو سکتی ہے۔
اسلام آباد اور اس کے گرد و نواح میں بھی موسم خشک اور جزوی ابر آلود رہنے کا امکان ہے۔ بلوچستان اور پنجاب کے بیشتر اضلاع میں بھی موسم خشک رہے گا، جبکہ مری اور گلیات میں مطلع جزوی ابر آلود رہے گا۔ صبح کے اوقات میں لاہور، شیخوپورہ، نارووال، فیصل آباد اور گرد و نواح میں سموگ کی موجودگی کا امکان ہے۔
سندھ کے زیادہ تر اضلاع میں موسم گرم اور خشک رہے گا، جبکہ خیبرپختونخوا کے بیشتر اضلاع میں بھی موسم خشک رہے گا، تاہم بالائی علاقوں میں جزوی ابر آلود رہنے کی توقع ہے جبکہ کشمیر میں موسم خشک اور جزوی ابر آلود رہنے کی پیشگوئی کی گئی ہے۔