لاہور: وزیر اعلیٰ پنجاب مریم نواز نے عید الفطر کے چاند نظر آنے پر خوشی کا اظہار کرتے ہوئے دعا کی کہ یہ چاند ہر گھر میں امن، سکون اور خوشیاں لے کر آئے۔
مریم نواز نے شوال المکرم کا چاند دیکھنے پر امت مسلمہ کو مبارکباد پیش کی اور کہا کہ اللہ تعالی ہم پر شوال کا یہ چاند ایمان، سلامتی اور اسلام کے ساتھ طلوع کرے۔
انہوں نے کہا کہ دل کی گہرائیوں سے دعا گو ہوں کہ اللہ تعالی ماہ رمضان کی عبادات، روزے، نمازیں اور نفل قبول فرمائے۔
وزیر اعلیٰ پنجاب نے مزید کہا کہ دعا کرتی ہوں کہ عید الفطر کا چاند ہر گھر میں خوشیاں اور امن لائے اور شوال المکرم کا ہر دن اور رات امن و سکون سے بھرپور ہو۔
انہوں نے فلسطینیوں اور کشمیریوں کے لیے بھی دعا کی کہ اللہ تعالی انہیں آزادی کی عید نصیب کرے۔