اسلام آباد: پاکستان بھر میں شوال کا چاند نظر آ گیا ہے اور عید الفطر 31 مارچ بروز پیر کو منائی جائے گی۔
تفصیلات کے مطابق، مرکزی رویت ہلال کمیٹی کا اجلاس چیئرمین مولانا عبدالخبیر آُزاد کی زیر صدارت ہوا جس میں علمائے کرام، سپارکو اور محکمہ موسمیات کے ماہرین نے شرکت کی۔
ماہرین کے مطابق، شوال کا چاند گزشتہ روز دوپہر 3 بج کر 59 منٹ پر پیدا ہو چکا تھا اور آج مغرب کے وقت اس کی عمر 25 گھنٹے سے زیادہ ہو گی، جس کی وجہ سے چاند کو انسانی آنکھ سے بآسانی دیکھا جا سکتا ہے۔
ریسرچ رویت ہلال کمیٹی کونسل نے بھی چاند نظر آنے کے قومی امکانات کی تصدیق کی ہے۔