اسلام آباد : عیدالفطر کی نماز کے موقع پر پاکستان کے اہم سیاسی رہنما مختلف شہروں میں نماز ادا کریں گے۔ تفصیلات کے مطابق صدر مملکت آصف علی زرداری عید کی نماز نواب شاہ میں ادا کریں گے جبکہ وزیراعظم شہباز شریف لاہور کے ماڈل ٹاؤن میں نماز عید پڑھیں گے۔
قائد مسلم لیگ (ن) نواز شریف جاتی امراء میں نماز عید ادا کریں گے اور چیئرمین پیپلز پارٹی بلاول بھٹو زرداری لاڑکانہ کے گڑھی خدا بخش میں نماز عید پڑھیں گے۔ تاہم چیئرمین سینیٹ یوسف رضا گیلانی ملتان میں نماز عید ادا کریں گے۔
سپیکر قومی اسمبلی سردار ایاز صادق لاہور میں نماز عید ادا کریں گے جبکہ ڈپٹی سپیکر قومی اسمبلی سید غلام مصطفیٰ شاہ نواب شاہ میں نماز عید ادا کریں گے۔البتہ وزیراعلیٰ پنجاب مریم نواز جاتی امراء میں عید منائیں گی اور وزیراعلیٰ سندھ مراد علی شاہ سیہون میں نماز عید ادا کریں گے ، جبکہ وزیراعلیٰ خیبرپختونخوا علی امین گنڈاپور ڈی آئی خان کے آبائی علاقے میں نماز عید پڑھیں گے۔
اس کے علاوہ وزیراعلیٰ بلوچستان سرفراز بگٹی کوئٹہ میں نماز عید ادا کریں گے اور وفاقی وزیر داخلہ محسن نقوی لاہور میں نماز عید ادا کریں گے۔ وزیر دفاع خواجہ آصف سیالکوٹ میں نماز عید پڑھیں گے۔ وزیر خارجہ اسحاق ڈار لاہور میں نماز عید ادا کریں گے۔
دوسری جانب قائد جے یو آئی مولانا فضل الرحمان ڈی آئی خان میں نماز عید ادا کریں گے۔البتہ چیئرمین پی ٹی آئی بیرسٹر گوہر خان بونیر میں نماز عید ادا کریں گے۔
اپوزیشن لیڈر عمر ایوب ہری پور میں نماز عید پڑھیں گے۔ پرویز خٹک نوشہرہ میں نماز عید ادا کریں گے اور گورنر پنجاب سردار سلیم حیدر گوجر خان میں نماز عید ادا کریں گے۔
اس کے علاوہ گورنر سندھ کامران ٹیسوری کراچی میں نماز عید پڑھیں گے۔ گورنر خیبرپختونخوا فیصل کریم کنڈی پشاور میں نماز عید ادا کریں گےاور گورنر بلوچستان جمال جعفر مندوخیل کوئٹہ میں نماز عید ادا کریں گے۔'
تاہم دیگر اہم سیاسی شخصیات بھی اپنے اپنے علاقوں میں نماز عید ادا کریں گے۔ ان میں سپیکر پنجاب اسمبلی احمد خان، سپیکر سندھ اسمبلی اویس قادر شاہ، سپیکر کے پی اسمبلی بابر سلیم سواتی اور اپوزیشن لیڈر کے پی اسمبلی ڈاکٹر عباد الرحمن شامل ہیں۔
