لاہور : محکمہ موسمیات نے عید کی تعطیلات کے دوران ملک کے بیشتر علاقوں میں موسم خشک اور گرم رہنے کی پیشگوئی کی ہے۔ محکمہ موسمیات کے مطابق اسلام آباد، خیبر پختونخوا اور پنجاب کے بیشتر اضلاع میں عید کے دوران موسم خشک رہنے کے ساتھ ساتھ مطلع جزوی طور پر ابر آلود رہ سکتا ہے۔
اس کے علاوہ سندھ، بلوچستان اور آزاد کشمیر میں بھی موسم خشک رہنے کی توقع ہے۔ گلگت بلتستان میں بھی مطلع جزوی ابر آلود رہنے کے علاوہ چند مقامات پر گرج چمک کے ساتھ بارش کا امکان ہے۔
گزشتہ روز کوئٹہ میں درجہ حرارت 7، ژوب میں 8، سبی میں 16، تربت میں 19، نوکنڈی میں 14، چمن میں 12، گوادر میں 21 اور جیوانی میں 22 سینٹی گریڈ ریکارڈ کیا گیا۔
