اسلام آباد: عوامی مسلم لیگ کے سربراہ شیخ رشید نے کہا ہے کہ اگر آئی ایم ایف کا بیل آؤٹ پیکج جلد نہ آیا تو پاکستان کے دیوالیہ ہونے کا خطرہ ہے ۔
اپنی ٹویٹ میں سربراہ عوامی لیگ نے کہا کہ پاکستان تاریخ کے بدترین معاشی اور سیاسی بحران سے گزر رہا ہے ۔ زرمبادلہ کے ذخائر خطرناک حد تک کم ہو گئے ہیں ۔ انہوں نے مزید کہا کہ ان حالات میں غریب کا نہ چولہا جل رہا ہے ، نہ وہ بجلی کا بل دے سکتے ہیں ، نہ بچوں کی فیس ، غریب وینٹی لیٹر پر ہے ۔ سیکڑوں فیکٹریاں بند ہو رہی ہیں ۔
اگر IMF کا بیل آؤٹ پیکج جلد نہ آیا تو پاکستان کے دیوالیہ ہونے کا خطرہ ہے۔تاریخ کے بدترین معاشی اور سیاسی بحران سے گزر رہے ہیں۔زرمبادلہ کے ذخائر خطرناک حد تک کم ہو گئے ہیں۔غریب کا نہ چولہا جل رہا ہے، نہ بجلی کا بل،نہ بچوں کی فیس،غریب وینٹیلیٹر پر ہے۔سینکڑوں فیکٹریاں بند ہو رہی ہیں
— Sheikh Rashid Ahmed (@ShkhRasheed) July 30, 2022
پی ٹی آئی کے اتحادی رہنما نے کہا کہ سیاسی انتشار ، خلفشار اور عدم استحکام پاکستان کو تباہی کی طرف لے جا رہا ہے ۔ مداخلت نرم ہو ، گرم ہو یا سخت ، سب کو مل کر ملک بچانا ہے ، ہر دن قیمتی ہے ۔ سب لوگوں کو مل کر بیٹھنا ہے ورنہ لوگ فیصلے خود اپنے ہاتھوں میں لے لیں گے ۔ مہنگائی کی شرح 38 فیصد بڑھ گئی ہے اور غریب آٹا بھی نہیں لے سکتا ۔
سیاسی انتشار،خلفشار اور عدم استحکام پاکستان کو تباہی کی طرف لے جا رہا ہے۔مداخلت نرم ہو،گرم ہو یا سخت،سب کو مل کر ملک بچانا ہے۔ایک ایک دن قیمتی ہے۔سب لوگوں کو مل کر بیٹھنا ہے ورنہ لوگ فیصلے خود اپنے ہاتھوں میں لے لیں گے۔مہنگائی کی شرح38فیصد بڑھ گئی ہے اور غریب آٹا بھی نہیں لے سکتا
— Sheikh Rashid Ahmed (@ShkhRasheed) July 30, 2022
