کراچی : بہن نے جعلی دستاویزات پر سرکاری نوکری حاصل کرنے پر بھائی کو جیل بھجوا دیا۔ کراچی میں بہن نے جعلی دستاویزات پر سرکاری نوکری حاصل کرنے پر بھائی کو جیل بھجوا دیا ہے۔
پراسیکیوشن کے مطابق ملزم خدا بخش میٹرک کے جعلی سرٹیفکیٹ پر پولیس کے ضلع ایسٹ کراچی میں بھرتی ہوا تھا۔ ملزم نے سرکاری ملازمت کے لیے میٹرک کا جعلی سرٹیفکیٹ جمع کرایا جبکہ ملزم خدا بخش 8 ویں پاس ہے۔
کراچی میں اینٹی کرپشن عدالت نے جعلی اسناد پر سرکاری ملازمت حاصل کرنے کے مقدمے کا فیصلہ سنایا۔ اینٹی کرپشن عدالت نے جعلی اسناد پر پولیس اہلکار بھرتی ہونے کا جرم ثابت ہونے پر ملزم کو 3 سال قید کی سزا سنا دی۔
استغاثہ جرم ثابت کرنے میں کامیاب ہوگیا۔ عدالت نے ملزم پولیس اہلکار خدا بخش کو 3 سال قید اور ایک لاکھ روپے جرمانے کی سزا سنائی۔ عدالت نے مجرم کو گرفتار کرکے جیل بھیجنے کا حکم دے دیا۔