شیخو پورہ: عام انتخابات 2024 کے لیے مسلم لیگ ن کی انتخابی مہم کا آج سے آغاز ہوگا۔آج پہلا جلسہ شیخوپورہ کےعلاقےفاروق آباد میں ہوگا، پارٹی صدر شہباز شریف اور دیگر رہنما پہلے جلسے سے خطاب کریں گے۔
مسلم لیگ ن کے صدر شہباز شریف نے انتخابی مہم کے آغاز پر پہلے جلسے کے حولاے سے سماجی رابطے کی ویب سائٹ ایکس پر اپنے ایک بیان میں کہا کہ نواز شریف کا پیغام لے کر فاروق آباد میں حاضر ہوں گا، شیخوپورہ نے ہمیشہ ثابت کیا یہ شہرن لیگ کا قلعہ ہے۔
شیخوپورہ کے غیور عوام کے پاس میں کل 30 دسمبر بروز ہفتہ معمارِ پاکستان محمد نواز شریف کا پیغام لے کر فاروق آباد میں حاضر ہوں گا۔ شیخوپورہ نے ہمیشہ ثابت کیا کہ یہ شہر نواز شریف اور مسلم لیگ ن کا قلعہ ہے۔ اللہ تعالیٰ کے فضل و کرم سے اگر نواز شریف کو دوبارہ موقع ملا تو ترقی اور… pic.twitter.com/IBBn64LBPj
— Shehbaz Sharif (@CMShehbaz) December 29, 2023
شہباز شریف نے کہا کہ ا’للہ تعالیٰ کے فضل و کرم سے اگر نواز شریف کو دوبارہ موقع ملا تو ترقی اور خوشحالی کا سفر وہیں سے دوبارہ سے شروع ہوگا جہاں 2017 میں ایک سازش کے ذریعے اسے روکا گیا تھا۔’
