اسلام آباد:پاکستان کرکٹ بورڈ نے آسٹریلیا، زمبابوے اور جنوبی افریقہ کے دوروں کے لیے قومی کرکٹ ٹیم کے سپورٹ اسٹاف کا اعلان کر دیا ہے۔
جیسن گلیسپی کو دورہ آسٹریلیا اور جنوبی افریقہ کے دو ٹیسٹ میچز کے لیے قومی ٹیم کا ہیڈ کوچ مقرر کیا گیا ہے، جبکہ ہائی پرفارمنس کوچ ٹم نیلسن بھی ان دوروں کے دوران ٹیم کے ساتھ موجود ہوں گے۔
اظہر محمود اسسٹنٹ کوچ کے طور پر خدمات انجام دیں گے، جبکہ محمد مسرور فیلڈنگ کوچ کی ذمہ داری نبھائیں گے۔ کلف ڈیکن فزیو تھریپسٹ کے طور پر کام کریں گے اور سائمن ڈرکس سٹرینتھ اینڈ کنڈیشنگ کوچ ہوں گے۔
اسد شفیق بطور سلیکٹر تینوں سیریز کے دوران قومی ٹیم کے ساتھ رہیں گے۔