مانسہرہ : مانسہرہ کے علاقے کلگان موڑ پر ایک مسافر کوسٹر حادثے کا شکار ہوگئی، جس کے نتیجے میں 4 افراد جاں بحق اور کئی زخمی ہوگئے۔
ترجمان موٹر وے پولیس کے مطابق یہ کوسٹر گلگت سے راولپنڈی جا رہی تھی اور ڈرائیور کو نیند آنے کے باعث حادثہ پیش آیا۔
حادثے کی اطلاع ملتے ہی موٹر وے پولیس موقع پر پہنچی اور فوری طور پر امدادی کارروائیاں شروع کیں۔ مقامی افراد، ریسکیو ٹیموں اور پولیس اہلکاروں نے زخمیوں اور جاں بحق افراد کو اسپتال منتقل کیا ، زخمیوں میں خواتین اور بچے بھی شامل ہیں۔