غیرضروری کالز اور ایس ایم ایس سے کیسے چھٹکارا پایا جائے؟

پرانے زمانے میں ٹیلی فون بک میں تمام جاننے والوں کے نمبر اور گھر کا پتہ لکھا ہوتا تھا اور اسی کی مدد سے لوگ دوسروں کو فون کیا کرتے تھے۔لیکن فون بک اب ماضی کا حصہ بن چکی ہیں۔ اب لوگ اپنے موبائل میں ہی نمبر سیو کرلیتے ہیں اور اسی کی مدد سے دوسروں کو فون کرتے ہیں۔چونکہ لوگ موبائل تبدیل کرتے رہتے ہیں جس کے سبب کئی موبائل میں نمبر سیو رہ جاتے ہیں اور پھر دوسرے لوگوں کی آپ کےنمبر تک رسائی بہت آسان ہوجاتی ہے اور یوں آپ کا نمبر پرائیوٹ نہیں رہتا۔اگر آپ کو اپنے موبائل میں غیر ضروری کالز اور ایس ایم ایس موصول ہوتے ہیں تو درج ذیل باتوں پر عمل کریں۔

٭ اگر آپ کو کبھی کسی ٹیلی مارکیٹ کی جانب سے کال موصول ہو تو آپ سب سے پہلے ان سے یہ پوچھیں کہ ان کو آپ کا نمبر کیسے ملا؟اگر معلومات وہ آپ کو صحیح طرح معلومات فراہم نہیں کریں تو کال فوراً بند کردیں ۔ اگر وہ دوبارہ کال کریں تو اس نمبر کے خلاف شکایت درج کردیں۔

٭ ایسی ایپس کو انسٹال کرنے سے گریز کریں جو آپ سے آپ کا موبائل نمبر مانگتے ہیں۔ ان ایپس کے ذریعے بھی آپ کا نمبر وائرل ہوجاتا ہے۔

٭ کسی بھی سوشل میڈیا کی ویب سائٹ پر اپنا نمبر ہرگز شیئر نہیں کریں۔ اکثر لوگ فیس بک پر اپنی ذاتی تفصیل لکھ دیتے ہیں اور بعد میں یہ سوچتے ہیں کہ یہ اجنبی ہمارے بارے میں اتنا کیسے جانتا ہے۔

٭ صرف گوگل جیسی قابل اعتبار ویب سائٹ کو آپ اپنا نمبر فراہم کرسکتے ہیں کیونکہ گوگل کی جانب سے آپ کو ہر طرح کی ای-میل موصول ہوجاتی ہے۔ اگر کوئی آپ کا اکاؤنٹ کھولنے کی کوشش کرتا ہے تو اس کی ای-میل بھی آپ کو موصول ہوجاتی ہے یا اگر آپ کا اکاؤنٹ کا پاس وڈ تبدیل کرنا چاہتا ہے تو اس حوالے سے بھی آپ کو ای- میل آجاتی ہے۔