حیدرآباد:گھروں میں بننے والا کھانا ہوٹل کے مقابلے زیادہ تازہ اور صحت مند ہوتا ہے، جو اہل خانہ کی صحت کے لیے بھی بہتر ہے۔برصغیر میں کئی کھانے ایسے بھی بنتے ہیں، جن کے ساتھ شہروں اور علاقوں کے نام بھی ہوتے ہیں، ایسے ہی کھانوں میں حیدرآبادی چکن جنجر بھی شامل ہے۔
اجزاء
چکن بون لیس آدھا کلو
کچی پیاز پسی ہوئی 6 عدد
ہری مرچ 6 عدد
کڑھی پتے 6 عدد
کوکنگ آئل ایک پیالی
املی کا رس آدھی پیالی
کٹی لال مرچ ایک کھانے کا چمچ
ادرک اور لہسن کا پیسٹ ایک کھانے کا چمچ
ثابت دھنیا ایک کھانے کا چمچ
کٹی ہوئی ادرک و لہسن 2 کھانے کے چمچ
خشخاش ایک کھانے کا چمچ
سفید زیرہ آدھا کھانے کا چمچ
سفید تل 2 کھانے کے چمچ
نمک اور ہلدی حسب ذائقہ
ترکیب
سب سے پہلے خشخاش، ثابت دھنیا، سفید زیرے اور تل کو ایک برتن میں بھن کر پیس لیں۔ایک الگ برتن میں تیل کے ساتھ پیاز کو ہلکا گلابی کریں۔پھر اس میں چکن، لہسن اور ادرک کے پیسٹ سمیت نمک اور ہلدی شامل کرلیں۔پانی خشک ہونے لگے تو اس میں خشخاش، ثابت دھنیا، زیرے اور تل کو ڈال کر اس میں ہری مرچیں، املی کا رس اور کڑھی پتے ڈال کر ہلکی آنچ پر رکھ لیں۔آخر میں ادرک ڈال کر مزید 5 منٹ تک دم پر رکھنے کے بعد نکال کے گھر والوں کے سامنے پیش کریں۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
