گوجرانوالہ کے علاقے ونیہ والا سے اغوا ہونے والے دو سالہ بچے کی بوری بند لاش محلہ کے عقب سے برآمد ، عبدالہادی کو گزشتہ روز اغواء کیا گیا تھا ۔
مقتول بچے کے والد سرفراز کا کہنا ہے بذریعہ میسج 90 لاکھ تاوان مانگا گیا تھا ۔ انہوں نے الزام لگایا کہ بیٹے کو گھر کے سامنے رہنے والے ہمسائے نے مارا ہے ۔ والد کے الزام پر پولیس نے 3 افراد عارف ، اویس اور وقاص احمد کو حراست میں لے لیا ہے ۔
پولیس کے مطابق دو سالہ عبدالہادی گلی میں تھا کہ دو موٹر سائیکل سوار اٹھا کر لے گئے تھے ۔ مبینہ اغواء کاروں کے بچہ لے جانے کی سی سی ٹی وی فوٹیج بھی موجود ہے ۔ فوٹیج میں موٹر سائیکل سوار نقاب پوش دو اغواء کاروں کو بچہ لے کر جاتے دیکھا جا سکتا ہے ۔
کمسن بچے کے والد سرفراز نے تھانہ اروپ پولیس کو درخواست دے دی تھی ۔ تھانہ اروپ پولیس نے شواہد اکٹھے کرکے بچے کی تلاش شروع کی تھی لیکن اب اُس کی بوری بند لاش محلہ کے عقب سے برآمد ہوئی ہے ۔
