واشنگٹن: امریکی صدر ڈونلڈ ٹرمپ نے شمالی کوریا کے سربراہ کم جونگ ان کو ملاقات کی دعوت دے دی۔ ڈونلڈ ٹرمپ نے ٹوئٹر پر جاری بیان میں بتایا کہ چینی صدر شی جن پنگ کے ساتھ ملاقات اور کچھ اہم میٹنگز کے بعد وہ چینی صدر کے ہمراہ جنوبی کوریا جائیں گے۔
امریکی صدر نے شمالی کوریا کے سربراہ سے ملاقات کی خواہش ظاہر کرتے ہوئے کہا کہ وہ ان سے ڈی ایم زی بارڈر پر ملاقات کریں گے اور مصافحہ کریں گے۔
After some very important meetings, including my meeting with President Xi of China, I will be leaving Japan for South Korea (with President Moon). While there, if Chairman Kim of North Korea sees this, I would meet him at the Border/DMZ just to shake his hand and say Hello(?)!
— Donald J. Trump (@realDonaldTrump) June 28, 2019
سعودی ولی عہد محمد بن سلمان کے ساتھ ناشتے کے موقع پر صحافیوں سے گفتگو کرتے ہوئے ٹرمپ کا کم جونگ اُن سے ملاقات سے متعلق کہنا تھا کہ اگر وہ وہاں ہوں گے تو ہم دو منٹ کے لیے ایک دوسرے سے ملیں گے اور یہ بہت ہے۔
شمالی کوریا اور جنوبی کوریا کے صدر کی پہلی ملاقات بھی ڈی ایم زی پر ہوئی تھی۔ دونوں ملکوں کے درمیان غیر فوجی علاقہ تاریخی اہمیت کا حامل ہے۔
صدر ٹرمپ جاپان میں ہونے والے جی 20 اجلاس میں شرکت کے بعد جنوبی کوریا روانہ ہوں گے اور وہ دو روزہ دورے پر سیئول جائیں گے جس کا مقصد شمالی کوریا کے ساتھ ایٹمی ہتھیاروں سے متعلق بات کرنا ہے۔
