'رشتے دار کہتے تھے کہ کالی ہو جائے گی پھر کوئی شادی نہیں کرے گا'

متفرق خبریں کھیل 
 
'رشتے دار کہتے تھے کہ کالی ہو جائے گی پھر کوئی شادی نہیں کرے گا'
کیپشن: لوگ ٹینس کھیلنے میری حوصلہ شکنی کرتے تھے، ثانیہ مرزا۔۔۔فوٹو/ آفیشل یو این ویمن انڈیا ٹوئٹر پیچ

ممبئی: بھارتی ٹینس کھلاڑی اور پاکستانی کرکٹر شعیب ملک کی اہلیہ ثانیہ مرزا کا کہنا ہے کہ لوگ ٹینس کھیلنے پر ان کی حوصلہ شکنی کرتے ہوئے کہتے تھے کہ یہ کالی ہو جائے گی اور اس سے کوئی شادی نہیں کرے گا۔

بھارت میں خواتین کے لیے کام کرنے والے اقوام متحدہ کے ادارے یو این ویمن انڈیا کی جانب سے بنائے گئے نغمے ’مجھے حق ہے‘ کی افتتاحی تقریب میں شرکت کے موقع پر ثانیہ مرزا نے کھل کر اپنے خیالات کا اظہار کیا۔

ثانیہ مرزا نے بتایا کہ انہوں نے 6 برس کی عمر میں ٹینس کھیلنا شروع کیا تھا یہ وہ وقت تھا جب یہ بھی سننے کو نہیں ملتا تھا کہ حیدرآباد میں کوئی لڑکی ٹینس کھیلتی ہے۔ انہوں نے بتایا کہ وہ ایسے گھرانے سے تعلق رکھتی ہیں جہاں بہت سے کرکٹرز ہیں یہاں تک کے ان کے والد بھی کرکٹ کھیلا کرتے تھے۔

دنیا میں سب سے زیادہ طلاق کی شرح رکھنے والا ملک کون سا ہے؟"

تقریب میں ثانیہ مرزا نے اپنے کیریئر کے اتار چڑھاؤ کے حوالے سے گفتگو کرتے ہوئے بتایا کہ کس طرح انہوں نے لوگوں اور رشتے داروں کی تنقید کا سامنا کیا۔ ان کا کہنا تھا کہ ان کی کامیابی میں ان کے والدین کا اہم کردار ہے جنہوں نے ہمیشہ ان کی حوصلہ افزائی کی۔

ثانیہ نے بتایا کہ جب میرے والدین نے میرے انکل آنٹی کو میرے ٹینس کھیلنے کا بتایا تو ان کا کہنا تھا ’ یہ کالی ہو جائے گی پھر دیکھنا کوئی اس سے شادی نہیں کرے گا۔

اسلام آباد میں نجی سکولز اور کالجز کی موسم سرما کی تعطیلات کا اعلان

ثانیہ مرزا نے بتایا کہ لڑکیوں کو ہمت نہیں ہارنی چاہیے کیونکہ مرد اور عورت کے برابر حقوق ہیں اور معاشرے کو مساوات پر چلنا چاہیے ۔

ٹینس اسٹار نے دنیا کی اسپورٹس فیکلٹی سے بھی اختلاف کرتے ہوئے بتایا کہ اب تک خواتین کو کھیلوں میں مردوں کے برابر اہمیت نہیں دی جاتی۔ یہاں تک کے مردوں کے انعامات زیادہ ہوتے ہیں جب کہ خواتین کے کم جو کہ ناقابل برداشت ہے۔

انہوں نے بتایا کہ چاہے میری اولاد بیٹا ہو یا بیٹی مجھے اس کی پرواہ نہیں لیکن اہم بات یہ ہے کہ میں اس کو یہ سکھاؤں کہ سب برابر ہیں۔

شرجیل میمن کا گیس لوڈشیڈنگ پر وفاقی حکومت سے فوری اقدامات کا مطالبہ

اسی دوران ثانیہ مرزا نے یہ بھی بتایا کہ شعیب ملک کو بیٹی کی خواہش ہے اور وہ چاہتے ہیں کہ ان کی پہلی اولاد لڑکی ہو۔

واضح رہے کہ ثانیہ مرزا اور شعیب ملک کی شادی کو 8 برس ہو چکے ہیں۔ دونوں نے 23 اپریل کو ننھے مہمان کی آمد کی خوشخبری نہایت دلچسپ انداز میں سوشل میڈیا پر سنائی تھی۔

 

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں

سندھ میں مرحوم ملازمین کی اولاد کے لیے فوتگی کوٹہ ختم، کابینہ نے منظوری دے دی