برمنگھم: کامن ویلتھ گیمز 2022 کا افتتاح برمنگھم کے ایلیگزینڈر سٹیڈیم میں رنگا رنگ تقریب سے ہو گیا ہے اور آج کھیلوں کا باقاعدہ آغاز بھی ہو جائے گا۔
تفصیلات کے مطابق افتتاحی تقریب کو معروف ٹی وی سیریز پیکی بلائنڈرز کے ڈائریکٹر سٹون نائٹ نے ڈائریکٹ کیا جبکہ تقریب کے کری ایٹو ڈائریکٹر پاکستانی نژاد برطانوی اقبال خان تھے۔
کامن ویلتھ گیمز 2022 کی افتتاحی تقریب میں ملکہ برطانیہ کی جگہ پرنس چارلس نے شرکت کی جبکہ کامن ویلتھ ممالک کے عوام کے نام ملکہ برطانیہ کا خصوصی پیغام پڑھ کر سنایا گیا اور 1958 سے آج تک مختلف ممالک کے سربراہان سے ملاقات کی ویڈیو دکھائی گئی۔
Unreal ending from Duran Duran to open the commonwealth!#CommonwealthGames #Birmingham2022 pic.twitter.com/aheF5kmkjN
— CThorntn (@MrThornton__) July 28, 2022
رنگا رنگ تقریب کے آغاز میں برطانوی رائل ایئر فورس کے طیاروں نے فلائی پاسٹ کیا اور گیمز میں شامل ٹیموں کا مارچ پاسٹ ہوا جس میں سب سے پہلے آسٹریلیا کا دستہ میدان میں داخل ہوا۔
تقریب میں پاکستان کا 103 رکنی دستہ بھی شریک ہوا، مارچ پاسٹ میں ریسلر انعام بٹ اور ویمن کرکٹ ٹیم کی کپتان بسمہ معروف نے پاکستانی دستے کی سربراہی کی۔
تقریب میں پاکستان میں بچیوں کی تعلیم کی اہمیت کو اجاگر کیا گیا اور خصوصی ڈاکومنٹری چلائی گئی جبکہ ملالہ یوسف زئی نے خطاب کرتے ہوئے کہا کہ میرے لئے کامن ویلتھ گیمز کی افتتاحی تقریب میں آنا اعزاز کی بات ہے۔
انہوں نے 72 ممالک کے ایتھلیٹس کو خوش آمدید کہتے ہوئے کہا کہ خواتین کی معاشرے میں شرکت اور سکولوں تک سب کی رسائی ضروری ہے۔
Proud of #Malala - she spoke so well in #CommonwealthGames @ZiauddinY pic.twitter.com/JM10CEWFRU
— Basit Subhani (@BasitSubhani) July 28, 2022
