کیلیفورنیا: ٹیکنالوجی کمپنی ایپل نے اپنے صارفین کے لیے آئی او ایس 18.3 اور آئی پیڈ او ایس 18.3 اپ ڈیٹس جاری کر دی ہیں۔
نئے اپ ڈیٹس میں ایپل نے وژوئل انٹیلی جنس سپورٹ کو شامل کیا ہے جس کی مدد سے صارفین پوسٹرز یا فلائرز سے براہ راست ایونٹس کو کلینڈر ایپ میں شامل کر سکیں گے۔ اس کے علاوہ، اپ ڈیٹ کے بعد ایپل فون میں مزید پودوں اور جانوروں کی شناخت بھی کر سکے گا۔
ایپل نے خبروں اور انٹرٹینمنٹ ایپس کے ایپل انٹیلی جنس نوٹیفیکیشن سمریز کو بھی ختم کر دیا ہے۔ کمپنی کا کہنا ہے کہ یہ ایک عارضی اقدام ہے اور صارفین کو مستقبل میں اس فیچر کو فعال کرنے کا اختیار دیا جائے گا۔
اب ایپل انٹیلی جنس کی جانب سے فراہم کی جانے والی تمام سمریز اِٹیلک فونٹس میں نظر آئیں گی تاکہ وہ دیگر نوٹیفکیشنز سے نمایاں ہو سکیں۔ ان نوٹیفیکیشنز کو لاک اسکرین پر بھی منظم کیا جا سکے گا۔
ایپل کی یہ نئی اپ ڈیٹس صارفین کے لیے دلچسپ اور فائدہ مند ثابت ہو سکتی ہیں، جس سے ان کے روزمرہ کے استعمال میں مزید آسانیاں آئیں گی۔