کراچی: پاکستان پیپلز پارٹی کے چیئرمین بلاول بھٹو زرداری نے اپنی بہن بختاور بھٹو کے نکاح کی تصاویر جاری کر دیں۔ سماجی رابطے کی ویب سائٹ پر اپنے پیغام میں بلاول نے کہا کہ میری بہن بختاور کی شادی طویل عرصے بعد آنے والی خوشیوں کا لمحہ ہے، مجھے ایسا لگا کہ خوشیوں کے اس لمحے میں میری والدہ ہمیں دیکھ رہی ہیں۔
Happiest moment in many years to see my sister @BakhtawarBZ getting married. Felt like our mother was watching over us in this moment of joy. Wishing them both all the best of for their new life together . Masha'Allah! ❤️ pic.twitter.com/MAn9wHvp2T
— BilawalBhuttoZardari (@BBhuttoZardari) January 29, 2021
بلاول بھٹو زرداری نے کہا کہ میری جانب سے دونوں کو ایک ساتھ نئی زندگی کی شروعات کی مبارک باد۔
خیال رہے کہ سابق صدر آصف علی زرداری اور سابق وزیراعظم شہید بے نظیر بھٹو کی صاحبزادی بختاور بھٹو رشتہ ازدواج میں منسلک ہو گئیں۔ نکاح کی تقریب میں دونوں خاندانوں کے قریبی افراد نے شرکت کی۔ تقریب کے دوران سیکیورٹی کے سخت انتظامات کئے گئے تھے۔ کراچی کی تقریب میں کسی سیاسی جماعت کے قائد یا سرکاری لوگوں کومدعونہیں کیا گیا۔
ذرائع کے مطابق بختاور کی شادی سے متعلق چند دن بعد اسلام آباد، لاہور اور لاڑکانہ میں بڑی تقاریب ہوں گی۔ اسلام آباد کی تقریب میں سیاسی جماعتوں کے قائدین، سرکاری افسران کو مدعو کیا جائے گا۔
لاڑکانہ میں ہونے والی تقریب میں بھٹو اور زرداری خاندان سمیت دیگر کو مدعو کیا جائے گا جبکہ لاہور کی تقریب میں سیاسی شخصیات، پارٹی قائدین اور دیگر کو مدعو کیا جائے گا۔
یاد رہے کہ بختاور بھٹو زرداری کی مہندی کی سادہ تقریب 27 جنوری کو ہوئی اور بارات کی تقریب 30 جنوری کو ہو گی۔
