پشاور : خیبرپختونخوا اسمبلی کا اجلاس جاری ہے جس میں اسپیکر اور ڈپٹی اسپیکر کا انتخاب کیا جا رہا ہے۔
اسپیکر کے لیے سنی اتحاد کونسل کے بابرسلیم سواتی کا مقابلہ اپوزیشن جماعتوں کے امیدوار پیپلزپارٹی کے احسان اللہ میاں خیل سے ہے۔
ڈپٹی اسپیکر کے لیے سنی اتحاد کونسل کی ثریا بی بی کا مقابلہ اپوزیشن پی ٹی آئی پی کے امیدوار ارباب وسیم سے ہے۔
خیبر پختونخوا اسمبلی میں سنی اتحاد کونسل کے ممبران کی تعداد 87 ہے۔ 6 ممبران آزاد حیثیت سے اسمبلی میں موجود ہیں۔ خیبر پختونخوا میں اپوزیشن جماعتوں کے ارکان کی تعداد 25ہے۔
