لاہور : پاکستان ویمن کرکٹ ٹیم کی مشہور بیٹر سدرہ امین شادی کے بندھن میں بندھ گئیں۔ 32 سالہ سدرہ امین نے عادل مسعود کے ساتھ ازدواجی زندگی کا آغاز کیا۔ ان کی شادی کی تقریب لاہور کے ایک مقامی فارم ہاؤس میں منعقد ہوئی، جس میں کرکٹ کے ساتھی کھلاڑیوں، کوچز اور پاکستان کرکٹ بورڈ کے عہدیداروں نے شرکت کی۔
اس خوشی کے موقع پر سدرہ کے قریبی دوستوں اور کرکٹ ٹیم کی کئی اہم کھلاڑیوں نے بھی شادی کی تقریب میں شرکت کی۔ ان میں سدرہ نواز، گل فیروزہ، طوبیٰ حسن، کائنات حفیظ، عمائمہ سہیل، سعدیہ اقبال، عالیہ ریاض، نتالیہ پرویز، بسمعہ معروف، ارم جاوید اور عائشہ ظفر شامل تھیں۔
