راولپنڈی :چیئرمین جوائنٹ چیفس آف سٹاف کمیٹی جنرل ساحر شمشاد مرزا نے سلطنت عمان کا سرکاری دورہ کیا۔
آئی ایس پی آر کے مطابق جنرل ساحر شمشاد مرزا نے نائب وزیراعظم اور وزیر دفاع سید شہاب بن طارق بن تیمور سے بھی ملاقات کی، انہوں نے وزیر شاہی دربار جنرل سلطان بن محمد النامانی سے بھی ملاقات کی۔
آئی ایس پی آر کے مطابق الگ الگ ملاقاتوں کے دوران تربیت، سکیورٹی، انسداد دہشتگردی، دفاعی صنعت سمیت عسکری تعاون پر تبادلہ خیال کیا گیا۔
پاک فوج کے شعبہ تعلقات عامہ کے مطابق چیئرمین جوائنٹ چیفس آف سٹاف کمیٹی جنرل ساحر شمشاد مرزا نے اپنے دورہ کے دوران چیف آف سٹاف وائس ایڈمرل عبداللہ بن خمیس الرئیسی، سروسز چیفس اور چیئرمین آف ڈیفنس اکیڈمی سے بھی ملاقاتیں کیں۔
عمانی حکام نے دہشت گردی کیخلاف جنگ میں پاکستان کے عوام اور مسلح افواج کی قربانیوں کا اعتراف کیا۔
