مریم نواز شریف آج سیلاب سے متاثرہ علاقوں کا دورہ کریں گی

لاہور: پاکستان مسلم لیگ (ن) کی نائب صدر مریم نواز شریف جنوبی پنجاب میں سیلاب سے متاثرہ علاقوں کا دورہ کریں گی اور سیلاب متاثرین سے ملاقات بھی کریں گی۔ 
تفصیلات کے مطابق مریم نواز کے ہمراہ ان کے شوہر کیپٹن (ر) صفدر، پارٹی کے سینئر رہنما پرویز رشید اور وفاقی وزیر برائے داخلہ رانا ثناءاللہ ہوں گے۔ مریم نواز ملتان سے براستہ سڑک تونسہ کیلئے روانہ ہوں گی اور تونسہ کے سیلاب زدہ علاقوں کا دورہ کریں گی۔ 
واضح رہے کہ مریم نواز جنوبی پنجاب میں سیلاب سے متاثرہ علاقوں ملتان، تونسہ اور راجن پور کا دورہ کریں گی۔ پارٹی ذرائع کے مطابق مریم نواز کا دورہ 4 سے 5 دنوں تک جاری رہے گا اور پارٹی کے دیگر رہنما بھی ان کے ہمراہ ہوں گے۔