شعیب شاہین غدار ہے: شیر افضل مروت، پارٹی میں تفرقہ پھیلا کر مخالفوں کو فائدے دینے والا غدار ہے: شعیب شاہین، پی ٹی آئی کی قانونی ٹیم آپس میں لڑ پڑی

اہم خبریں پاکستان 
  نیوویب ڈیسک
شعیب شاہین غدار ہے: شیر افضل مروت، پارٹی میں تفرقہ پھیلا کر مخالفوں کو فائدے دینے والا غدار ہے: شعیب شاہین، پی ٹی آئی کی قانونی ٹیم آپس میں لڑ پڑی
سورس: File

لاہور:  پاکستان تحریک انصاف  کی قانونی ٹیم آپس میں لڑ پڑی۔ وکیل شیر افضل مروت نے  چیئر مین پی ٹی آئی عمران خان کی قانونی ٹیم کے ایک اور رکن شعیب شاہین کو غدار کہہ دیا۔

وکیل شیر افضل مروت نے پی ٹی آئی کے وکیل اور ترجمان شعیب شاہین کو غدار کہہ  دیا اور  شعیب شاہین کو  پراسرار  شخص بھی قرار دیا۔

 شیر افضل نے سماجی رابطے کی ویب سائٹ ایکس پر اپنی ایک پوسٹ میں کہا کہ پی ٹی آئی کی قانونی ٹیم میں واحد غدار  شعیب شاہین ہے، شعیب شاہین اپریل 2023 کے آخری ہفتے میں پراسرار طور  پر ابھرے، شعیب شاہین کو  بنی گالہ  میں قانونی کمیٹی کے  اجلاس میں دیکھ کر حیران تھا۔

پی ٹی آئی احتجاج میں دہشت گردی کا خطرہ، نیکٹا کی وارننگ

 
 
 شیر افضل کا کہنا تھا کہ شعیب شاہین اس سے قبل آئی ایل ایف یا پی ٹی آئی کا حصہ نہیں تھے، شعیب شاہین کوپی ٹی آئی تک رسائی کا مطلب کچھ لوگوں کی پشت پناہی ہے، شعیب شاہین کو فوجداری قانون کی اے بی سی نہیں آتی، شعیب شاہین چیئرمین پی ٹی آئی کےکسی فوجداری مقدمے میں وکیل نہیں، شعیب شاہین نے خودکو ان کا وکیل ظاہر کرنا شروع کر دیا ہے،  شعیب شاہین فراڈ ہے، پی ٹی آئی کی طاقت ور قوتوں نے ان کی حمایت کی۔

 

محسن نقوی کا چیئرمین پی ٹی آئی سے رابطہ، دھرنے کی اجازت دینے سے انکار

وکیل  شیر افضل کا مزید کہنا تھا کہ  شعیب شاہین واحد شخص ہے جسے میڈیا پر بلیک لسٹ نہیں کیا گیا، پی ٹی آئی میں دو  افراد کی  پشت پناہی سے شعیب شاہین قانونی  ٹیم تک پہنچے، بعض اوقات شعیب شاہین نے پی ٹی آئی کی  قانونی ٹیم کی معلومات لیک کیں، شعیب شاہین نے میری جان بھی خطرے میں ڈال دی تھی، شعیب شاہین نے کچھ غداروں کے ساتھ مل کر میرے خلاف سازشیں شروع کر دیں۔

ان کا کہنا تھا کہ شعیب شاہین نے پی ٹی آئی کو قانونی جنگ میں بہت زیادہ نقصان پہنچایا ہے، میں کل چیئرمین پی ٹی آئی سے ملاقات کروں گا اور انہیں اس حوالے سے آگاہ کروں گا۔

بشریٰ بی بی کے بیان نے ملک کا مستقبل خطرے میں ڈالا: طلال چودھری

 چیئر مین پی ٹی آئی عمران خان کی قانونی ٹیم کےرکن شعیب شاہین نے خود پر لگائے گئے الزامات کو رد کرتے ہوئے کہا ہے کہ میں پاکستان تحریک انصاف کے ترجمانوں کی ٹیم میں شامل ہوں۔ شعیب شاہین نے کہا کہ میرا موقف ہی پی ٹی آئی کا موقف ہے، شیر افضل مروت جو کچھ کہہ رہے ہیں یہ ان کی ذاتی رائے ہو سکتی ہے۔

ان کا کہنا تھا کہ پارٹی نے شیر افضل مروت کی کسی بھی قسم کے آفیشل بیان دینے سے منع کیا ہوا ہے۔ میری ان سے کوئی ذاتی لڑائی نہیں ہے۔ وہ جو کچھ بھی کر رہے ہیں اس سے صرف پارٹی کی ساخت اور عمران خان کے کیسز کو نقصان پہنچے گا۔ 

کراچی ٹور مکمل، آئی سی سی چیمپئینز ٹرافی لاہور پہنچ گئی

انکا کہنا تھا کہ پارٹی اس وقت مشکل مراحل سے گزر رہی ہے، چیئر مین جیل میں ہیں اس وقت ہمارا مقصد صرف عمران خان کو انصاف دلانا ہے پارٹی کی مشکلات کو کم کرنا ہے ہمیں اس وقت کسی قسم کے تفرقے میں نہیں پڑنا چاہیے، ہمیں ایک دوسرے سے تعاون کرنے کی ضرورت ہے، اتحاد کی ضرورت ہے۔

شعیب شاہین نے مزید کہا کہ شیر افضل مروت جو کر رہے ہیں اس سےسرکار کو فائدہ پہنچے گا، مخالفوں کو فائد ےملیں گے پارٹی کو صرف نقصان اٹھانا پڑے گا۔ تو جو پارٹی میں تفرقہ پھیلا کر مخالفوں کو فائدہ دے رہا ہے وہ غدار ہے یا جو پارٹی سے وفادار ہے وہ غدار ہے۔ 

پنجاب میں دفعہ 144 کے نفاذ کے خلاف لاہور ہائیکورٹ میں درخواست دائر

دوسری جانب ترجمان پی ٹی آئی  نے شیرافضل مروت کے بیان سے لاتعلّقی کا اظہار کردیا ہے۔

سماجی رابطے کی ویب سائٹ ایکس پر  پی ٹی آئی کا کہنا تھا کہ  شیرافضل مروت کی شعیب شاہین کے متعلق پوسٹ ان کی ذاتی رائے ہوسکتی ہے، ان کے بیان کے مندرجات سے ہرگز اتفاق نہیں کرتے۔

تحریک انصاف نے کہا کہ تحریک انصاف کی قانونی ٹیم مشکل حالات میں مقدمات لڑ رہی ہے، شعیب شاہین تحریک انصاف کی قانونی ٹیم کے نہایت قابل احترام اور کلیدی رکن ہیں، شعیب شاہین سمیت اپنی قانونی ٹیم کے ہر رکن کی خدمات کو قدر کی نگاہ سے دیکھتے ہیں۔

بلوچستان میں دھرنوں، جلسوں اور اسلحہ کی نمائش پر پابندی، دفعہ 144 کا نفاذ

عران خان کے وکیل نے سماجی رابطے کی ویب سائٹ ایکس پر شعیب شاہین کو بچانے کی کوشش پر پی ٹی آئی کو کہا کہ یہ خان اور ان کے کارکنوں کی پارٹی ہے اور اسے کوئی ہائی جیک نہیں کر سکتا۔ اب میں پارٹی کے اندر کسی بھی ناانصافی کا کھل کر سامنا کروں گا۔

انہوں نے مزید کہا کہ اس پریس ریلیز کی آڑ میں شعیب شاہین کا دفاع کرتے ہوئے آپ پی ٹی آئی کی قانونی ٹیم کا حصہ بننے پر میرا شکریہ ادا کرنا بھول گئے۔ کیا آپ پی ٹی آئی کے خلاف فسطائیت کے آغاز سے لے کر اب تک شعیب شاہین کے کسی ایک کارنامے پر روشنی ڈالیں گے؟

کراچی: کالعدم بی ایل اے کے 7 کارندے گرفتار، اسلحہ اور منشیات برآمد

شیر افضل نے پی ٹی آئی سے کہا کہ کیا آپ بتائیں گے کہ شعیب شاہین نے اس ظلم کے دوران ایک بھی مصیبت برداشت کی؟ کیا آپ پی ٹی آئی کے کسی ایک رہنما کا ذکر کریں گے جس کا انہوں نے عدالتوں میں دفاع کیا؟ کیا آپ اس بات سے انکار کریں گے کہ شعیب شاہین کو فواد چوہدری نے اپریل 2023 کے آخری ہفتے میں خان سے ملوایا تھا؟ کیا آپ ان تمام باتوں سے سے انکار کریں گے؟

مصنف کے بارے میں