نیو یارک: اقوام متحدہ کے سیکریٹری جنرل انٹونیو گوٹریس نے کہا کہ عالمی اداروں کو سیلاب کے بعد پاکستان سے کیے گئے وعدے پورے کرنے چاہئیں۔
اقوام متحدہ کے سیکریٹری جنرل انٹونیو گوٹریس نے اپنے ایک بیان میں کہا کہ پاکستان میں تباہ کن سیلاب کی وجہ سے بدترین معاشی بحران پیدا ہوا۔
اقوام متحدہ میں پاکستان کے مستقل مندوب منیر اکرم نے کہا کہ اقوام متحدہ پاکستان سے کیے گئے امداد کے وعدوں پر عملدرآمد یقینی بنائے۔
منیر اکرم کا کہنا تھا کہ عالمی برادری نے پاکستان کی تعمیر نو اور بحالی کے لیے 16.4 ارب ڈالر کی یقین دہانی کرائی ہے۔
اقوام متحدہ کے 78 ویں جنرل اسمبلی کے صدر ڈینس فرانسس نے ایکس پر اپنی ایک پوسٹ کے ذریعے سیلاب کی تباہ کاریوں سے نمٹنے کیلئے پاکستان کی امداد پر زرو دیتے ہوئے اسے عالمی برادری کیلئے اخلاقی فریضہ قراردیا۔
A full year after the devastating floods in #Pakistan, millions of children still require humanitarian aid and access to basic services.
— UN GA President (@UN_PGA) September 28, 2023
We are bound by a moral imperative to stand in solidarity with ???????? and its people.
I call upon Member States and the UN system to maintain… pic.twitter.com/txv7A72gIM
انہوں نے لکھا کہ پاکستان میں تباہ کن سیلاب کو ایک سال گزر جانے کے باوجود اب تک لاکھوں بچے بنیادی سہولیات اور انسانی ہمدردی کی بنیاد پر مدد کے منتظر ہیں۔
ڈینس فرانسس نے لکھا یہ ہمارا اخلاقی فریضہ بنتا ہے کہ اس امتحان میں پاکستان اور اس کے لوگوں کے ساتھ یکجہتی کا اظہار کریں۔
انہوں نےمزید لکھا کہ اقوام متحدہ کے رکن ممالک اور یو این سسٹم کو بحالی اور تعمیر نو کیلئے پاکستان کی غیر متزلزل حمایت کرنی چاہیے۔
