کراچی:پاکستان پیپلزپارٹی کے چیئرمین بلاول بھٹو زرداری نے اپنے والدآصف زرداری پر فرد جرم عائد ہونے پر رد عمل میں کہا ہے کہ کورونا کی عالمی وباء کے دوران بھی اپوزیشن رہنماؤں سے سیاسی انتقام کا سلسلہ جاری ہے۔
Victimization of opposition continues during global pandemic. 2 yrs of Court appearances; ECL & Jail, President Zardari & Faryal Talpur continue to face courts. Runaway Dictator traitor, 3 special assistants, ministers & PMs sister won’t be summoned because we have 2 laws in ???????? .
— BilawalBhuttoZardari (@BBhuttoZardari) September 28, 2020
تفصیلات کے مطابق سماجی رابطے کی ویب سائٹ ٹوئٹر پر اپنا ردعمل دیتے ہوئے چیئرمین پی پی پی نے کہا کہ 2سالوں سے عدالتوں میں پیش ہونے، ای سی ایل میں نام اور قید کے باوجود صدر زرداری، اور فریال تالپور عدالتوں کا سامنا کررہے ہیں جبکہ سابق ڈکٹیٹر، تین معاون خصوصی، وزراء اور وزیراعظم کی ہمشیرہ کو عدالتوں میں طلب نہیں کیا جاتا ،کیونکہ ملک میں دہرے قوانین ہیں۔
خیال رہے کہ میگامنی لانڈرنگ ریفرنس میں آصف زرداری اور فریال تالپور پرفرد جرم عائد کردی گئی ۔احتساب عدالت اسلام آبادنے فیصلہ سنادیا ہے ،جس کے مطابق سابق صدر آصف زرداری اور ان کی بہن فریال تالپور پر فرد جرم عائد کی گئی جبکہ دونوں نے صحت جرم سے انکار کردیاہے۔
ملزمان انورمجید اور عبدالغنی مجید پر بھی فرد جرم عائد کر دی گئی ہے۔پارک لین، منی لانڈرنگ اور ہریش کمپنی ریفرنسز میں تمام ملزمان پر فرد جرم عائد کی گئی ہے۔
