سری نگر: مقبوضہ وادی میں بھارتی جبری پابندیوں کو آج 56 روز ہو گئے۔ اقوام متحدہ کے اجلاس میں کشمیریوں کی آواز بننے پر مقبوضہ وادی میں وزیراعظم عمران خان کے نعرے گونج اٹھے۔ صورہ میں سیکڑوں کشمیریوں نے پاکستانی جھنڈے تھام کر بھارت مخالف مظاہرہ کیا۔
وادی کے نوجوانوں نے عمران خان کے حق میں نعرے لگائے۔ کشمیری نوجوان نے وزیراعظم کا شکریہ ادا کرتے ہوئے کہا کہ اللہ کے بعد عمران خان پر بھروسہ ہے۔
بھارتی فوج نے وادی میں 5 اگست سے کرفیو نافذ کر رکھا ہے اور کشمیری اپنے گھروں میں قید ہو کر رہ گئے ہیں۔ 56 روز سے انٹرنیٹ موبائل سروس اور کاروبار بند ہیں جبکہ ہزاروں نوجوانون کو کالے قانون پبلک سیفٹی ایکٹ کے تحت گرفتار کیا جا چکا ہے۔