دنیا بھر کے اہم ائرپورٹس پر کمپیوٹر چیک اپ سسٹم میں خرابی پیداہوگئی

نیویارک:دنیا بھر کے اہم ترین ائرپورٹس پر کمپیوٹر چیک اپ سسٹم میں خرابی کے باعث کئی پروازیں متاثر ہوگئی ہیں ۔
تفصیلات کے مطابق اس پیدا ہونے والی خرابی کے باعث ائرپورٹس پر ہزاروں مسافروں کو شدید پریشانی کا سامنا کر نا پڑ رہا ہے، سسٹم میں خرابی کی وجوہات تاحال معلوم نہیں ہو سکی ہیں۔
لندن،پیرس،جوہانسبرگ،نیویارک کے ایئرپورٹس پر کمپیوٹرچیک اپ سسٹم میں خرابی ہوئی جبکہ ملیبرن اور واشنگٹن کے ائرپورٹس بھی اس خرابی سے متاثر ہوئے ہیں۔
کمپیوٹر چیک اپ سسٹم میں خرابی کی نوعیت اور وجوہات کے بارے میں تاحال علم نہیں ہو سکا ہے۔ حکام کا کہنا ہے کہ بہت جلد اس خرابی پر قابو پا لیا جائے گا ۔