میں تو پنجاب ہو کر آ گئی، شنیرا اکرم

متفرق خبریں انٹرٹینمینٹ 
 
میں تو پنجاب ہو کر آ گئی، شنیرا اکرم

 لاہور: پاکستان کرکٹ ٹیم کے سابق کپتان وسیم اکرم کی اہلیہ شنیرا اکرم سماجی رابطے کی ویب سائٹ ٹوئٹر پر کافی سرگرم ہیں اور اکثر و بیشتر مختلف تصاویر اور پوسٹس شیئر کر کے اپنے جذبات و خیالات کا اظہار کرتی رہتی ہیں۔ انہوں نے ٹوئٹر پر ایک تصویر شیئر کی جس میں سر سبز و شاداب کھیتوں کے درمیان کھڑی شنیرا نہایت خوش نظر آ رہی ہیں۔ ساتھ ہی انہوں نے لکھا 'میں تو پنجاب ہو کر آ گئی'۔

یہاں انہوں نے حال ہی میں ریلیز ہونے والی پاکستان فلم 'پنجاب نہیں جاؤں گی' کا ذکر کیا جس نے باکس آفس پر شاندار کامیابی حاصل کی۔ عید الاضحیٰ پر ریلیز ہونے والی فلم ’پنجاب نہیں جاؤں گی‘ کی کاسٹ میں ہمایوں سعید، مہوش حیات خان، عروہ حسین اور اظفر رحمٰن شامل تھے۔

باران رحمت کے لیے پاکستان بھر میں نماز استسقا ء ادا

ان کی ٹوئیٹ کو سراہتے ہوئے 'پنجاب نہیں جاؤں گی' کے ہیرو ہمایوں سعید نے لکھا، 'میں انشاء اللہ آپ کو یہ فلم انگریزی سب ٹائٹلز (ترجمے) کے ساتھ دکھاؤں گا'۔

اس موقع پر وسیم اکرم بھی میدان میں آئے اور انہوں نے ہمایوں سعید سے پوچھا کہ مجھے بھی یہ فلم دیکھنی ہے کیا مجھے بھی دعوت ملے گی؟۔ جس پر ہمایوں سعید نے جواب دیا، بہت جلد وسیم بھائی'۔

اب دیکھنا یہ ہے کہ وسیم اور شنیرا اکرم کو ہمایوں سعید کی جانب سے 'پنجاب نہیں جاؤں گی' دیکھنے کی دعوت کب ملتی ہے۔

گلوکار دلجیت دوسانجھ کو تلنگانہ حکومت کا سرکاری نوٹس

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں