اسلام آباد:حکومت نے مجوزہ 27ویں ترمیم کے معاملے پر خصوصی پارلیمانی کمیٹی کو برقرار رکھنے کا فیصلہ کیا ہے۔ پارلیمانی ذرائع کے مطابق، اس کمیٹی کا حتمی فیصلہ آئینی ترمیم کے حوالے سے ہوگا، جس کی قیادت سید خورشید احمد شاہ کریں گے اور اس میں تمام پارلیمانی جماعتوں کی نمائندگی شامل ہے۔
ذرائع کا کہنا ہے کہ مسلم لیگ ن اور پیپلز پارٹی کے رہنما آج مشاورت کریں گے، جب کہ یہ ملاقات قومی اسمبلی کے اجلاس کے دوران ہوگی۔ حکومتی ذرائع نے یہ بھی بتایا کہ 27ویں ترمیم کے لیے ابھی تک کوئی مخصوص وقت مقرر نہیں کیا گیا، اور یہ ترمیم تمام جماعتوں کے اتفاق رائے سے پیش کی جائے گی۔
