لاہور : علامہ اقبال اوپن یونیورسٹی نے سمسٹر بہار 2024 کے ماسٹر پروگرامز کے فائنل امتحانات کی ڈیٹ شیٹ جاری کر دی ہے۔
امتحانات 15 نومبر سے شروع ہو کر 16 دسمبر تک جاری رہیں گے۔ یونیورسٹی کے وائس چانسلر، پروفیسر ڈاکٹر ناصر محمود نے امتحانی مراکز میں طلبہ کو بنیادی سہولتیں فراہم کرنے کی ہدایات جاری کی ہیں۔
اس کے علاوہ، سمسٹر خزاں 2024 کے دوسرے مرحلے کے داخلے بھی جاری ہیں، جن میں مختلف تعلیمی پروگرامز شامل ہیں، جیسے ایسوسی ایٹ ڈگری اِن آرٹس (بی اے جنرل)، ایسوسی ایٹ ڈگری اِن کامرس (بی کام)، بی بی اے، ایسوسی ایٹ ڈگری اِن ایجوکیشن، اور بی ایس (او ڈی ایل) پروگرامز۔ داخلوں کی تاریخ میں 5 نومبر تک توسیع کی گئی ہے، لہذا خواہش مند طلبہ اس موقع سے فائدہ اٹھا کر 5 نومبر تک درخواست دے سکتے ہیں۔
