پشاور : پاکستان کے مختلف علاقوں میں زلزلے کے شدید جھٹکے محسوس کیے گئے ہیں۔ اسلام آباد، پشاور، سوات، لوئر دیر، چترال، بٹ گرام، مالاکنڈ، مانسہرہ، اور شانگلہ میں زمین لرزنے کی اطلاعات موصول ہوئی ہیں۔
زلزلے کے باعث شہریوں میں خوف و ہراس پھیل گیا۔ کئی علاقوں میں لوگ کلمہ شہادت کا ورد کرتے ہوئے اپنے گھروں سے باہر نکل آئے اور سڑکوں پر جمع ہو گئے۔
زلزلے کی شدت اور مرکز کا تعین ابھی تک کیا جا رہا ہے۔ابتدائی طور پر کسی بڑے جانی یا مالی نقصان کی اطلاع نہیں ملی ہے، تاہم مقامی حکام نے امدادی کارروائیاں شروع کر دی ہیں۔