اسلام آباد: آپریشنل وجوہات کے باعث مختلف ایئر لائنز کی 8 پروازیں منسوخ کر دی گئی ہیں، جبکہ 29 پروازیں تاخیر کا شکار ہیں۔ فلائٹ شیڈول کے مطابق بیجنگ، اسلام آباد اور کراچی کے درمیان چلنے والی پروازیں سی اے 945 اور سی اے 946 منسوخ کر دی گئی ہیں۔
دبئی اور لاہور کے لیے پروازیں چلانے والی غیر ملکی ایئر لائنز کی 2 پروازیں ایف زیڈ 359 اور ایف زیڈ 360 بھی منسوخ کر دی گئی ہیں، جب کہ دبئی سے اسلام آباد آنے والی غیر ملکی ایئر لائنز کی پروازیں ایف زیڈ 353 اور ایف زیڈ 354 بھی منسوخ ہو گئی ہیں۔
اس کے علاوہ، دیگر ایئر لائنز کی متعدد پروازوں میں تاخیر کا سامنا ہے، جس سے مسافروں کو مشکلات کا سامنا کرنا پڑ رہا ہے۔ ایئر لائنز کی جانب سے تاخیر یا منسوخی کی وجوہات کی تفصیلات فراہم نہیں کی گئیں، تاہم یہ صورتحال مسافروں کے لیے پریشانی کا باعث بن رہی ہے۔