لاہور:شہید ذوالفقار علی بھٹو کی نواسی بختاور بھٹو کی منگنی ٹوئٹر پر ٹاپ ٹرینڈ بن گئی۔
تفصیلات کے مطابق سابق وزیراعظم بینظیر بھٹو مرحومہ اور سابق صدر آصف علی زرداری کی صاحبزادی بختاور بھٹو کی محمود چودھری کے ساتھ گزشتہ روز ہونیوالی منگنی کی دھوم سماجی رابطے کی ویب سائٹ پر ہے اور ہزاروں کی تعداد میں صارفین نے مبارکباد کے پیغام دئیے اور نیک تمنائوں کا اظہار کیا جبکہ کچھ صارفین نے تقریب میں بلاول بھٹو کی عدم شرکت پر افسوس کا اظہار کیا اور ان کی جلد صحتیابی کیلئے دعا بھی کی۔
View this post on Instagram
بختاور نے ٹوئٹر پر منگیتر محمود چودھری کے ساتھ خوبصورت تصویر بھی ہیش ٹیگ ’آفیشلی انگیجڈ‘ کے ساتھ شیئر کی جبکہ تصویر کے پس منظر میں بے نظیر بھٹو شہید کی تصویر بھی دیکھی جاسکتی ہے۔
Congratulations my Shahzadi Bibi Bakhtawar Bhutto Zardari Allah bless you and your whole family Aameen suma Aameen love you,❤❤????????????❤????????????@BBhuttoZardari @BakhtawarBZ @AseefaBZ pic.twitter.com/7n90gjuTXz
— Reshma Baloch (@ReshmaBaloch) November 27, 2020
بختاور بھٹو کی منگنی کی تصاویر دیکھتے ہی دیکھتے سوشل میڈیا پر وائرل ہوگئیں اور سوشل میڈیا صارفین کی جانب سے نیک خواہشات کا اظہار بھی کیا گیا۔
منگنی کی تقریب میں پاکستان پیپلز پارٹی کے چیئرمین بلاول بھٹو زرداری نے عالمی وبا کا شکار ہونے کے باعث ویڈیو کال کے ذریعے شرکت کی اور اپنی بہن کی آنے والی زندگی کیلئے خوشی کا اظہار بھی کیا۔
بختاور بھٹو کی منگنی کی رسم قریبی عزیز و اقارب کی موجودگی میں گزشتہ روز بلاول ہاﺅس کراچی میں ادا کی گئی ۔
