آج کا دن تاریخی ہے اور انشاء اللہ کرتار پور ایونٹ مفید ثابت ہو گا، دفتر خارجہ

اہم خبریں پاکستان 
 
آج کا دن تاریخی ہے اور انشاء اللہ کرتار پور ایونٹ مفید ثابت ہو گا، دفتر خارجہ
کیپشن: وزیراعظم کا یہ اقلیتوں کے حقوق کے لئے اہم قدم ہے، ترجمان دفتر خارجہ۔۔۔۔فوٹو/ آفیشل ٹوئٹر اکاؤنٹ

اسلام آباد: ترجمان دفتر خارجہ ڈاکٹر محمد فیصل کا کہنا ہے کہ پاکستان اپنی اقلتیوں کو بہت اہمیت دیتا ہے اور آج سکھ برادری کا خواب حقیقت بننے جا رہا ہے۔کرتار پور راہداری منصوبے کے سنگ بنیاد کی تقریب میں شرکت کے لیے لاہور جانے سے قبل اسلام آباد ایئرپورٹ پر صحافیوں سے گفتگو کرتے ہوئے دفتر خارجہ کے ترجمان کا کہنا تھا کہ کرتار پور راہداری کا سنگ بنیاد رکھنے کا آج تاریخی دن ہے اور وزیراعظم کا یہ اقلیتوں کے حقوق کے لئے اہم قدم ہے۔

9مئی جی ایچ کیو حملہ کیس: شاہ محمود، گنڈاپور اور دیگر رہنماؤں پر فرد جرم عائد

ڈاکٹر فیصل نے کہا کہ میڈیا ہمارے ہمراہ ہے، ڈپلومیٹک کمیونٹی ہمارے ساتھ ہے اور اس معاملے میں بہت دلچسپی پائی جاتی ہے۔ آج کا دن تاریخی ہے اور انشاء اللہ کرتار پور ایونٹ مفید ثابت ہو گا۔

ڈاکٹر محمد فیصل نے لاہور روانگی سے قبل صحافیوں کے ساتھ تصاویر بھی بنوائیں اور ٹوئٹر پر جاری بیان میں کہا کہ ہم امن کی جانب بڑھ رہے ہیں جو پاکستان کے لیے بڑی کامیابی ہے اور سکھ برادری کا خواب آج پورا ہونے جا رہا ہے۔