اسلام آباد : اسلام آباد میں مارگلہ کی پہاڑیوں پر لگی آگ پر قابونہ پایاجاسکا۔ آگ ٹریل تھری سیدپور اور بھارہ کہو رینج میں لگی ہوئی ہے، دونوں علاقوں میں آگ بھجانے کا عمل جاری ہے۔
مارگلہ کے پہاڑوں پر آگ دو علاقوں میں لگی ہوئی ہے، آگ ٹریل تھری سیدپور اور بھارہ کہو رینج میں لگی ہوئی ہے۔ آگ پر قابو پانے کیلئے فائربریگیڈ اور سی ڈی اے انوائرنمنٹ کا عملہ موجود ہے۔
وزیراعظم شہباز شریف نے آگ بجھانے کیلئے تمام تر وسائل کو بروئے کار لانے کی ہدایت کررکھی ہے۔
یاد رہے کہ گزشتہ روز بھی مارگلہ کی پہاڑیوں پر چار مختلف مقامات پر آگ لگی تھی۔ مارگلہ ہلز کی سیدپور ویلیج رینج میں آگ لگگی جس پر قابو پالیا گیا۔
وزیراعظم کی کوآرڈینیٹر برائے ماحولیاتی تبدیلی رومینہ خورشید عالم نے آگ بجھانے کیلئے ہیلی کاپٹر بھیجنے کی درخواست کی تھی۔
