دھانی زمبابوے میں بچوں کیساتھ گانا گانے لگے، ویڈیو وائرل

کھیل 
  نیوویب ڈیسک
دھانی زمبابوے میں بچوں کیساتھ گانا گانے لگے، ویڈیو وائرل

ہرارے:پاکستان کے بائولر دھانی زمبابوے میں بچوں کے ساتھ گاناگانے لگے۔ شاہنواز دھانی کے بارے میں کہاجاتا ہےکہ وہ  زندگی سے بھرپور لطف اٹھاتے ہیں۔ ان کی زمبابوے میں بچوں کے ساتھ گانے کی ایک ویڈیو وائرل ہوئی ہے۔ انہوں نے ٹویٹر سےیہ کلپ اپ لوڈ کیا ہے۔  اس میں شاہنواز دھانی مقامی زبان میں زمبابوے کے بچوں کے ساتھ گانا گاتے سنے جاسکتے ہیں۔

دہانی دورہ زمبابوبے پر زمبابوے سلیکٹ کیخلاف لسٹ اے میچز کھیلنے کےلیے پاکستان شاہینز کے سکواڈ کا حصہ تھے۔  سیریز کے اختتام پر دہانی زمبابوین بچوں کے ساتھ گھل مل گئے اور انکے ساتھ سیلفیاں بھی بنوائیں۔  

شام میں حکومتی تبدیلی کے بعد دمشق اور حلب ائیرپورٹس پر پروازوں کا آغاز

اس دوران مقامی زبان میں شاہنواز دہانی نے بچوں کیساتھ آواز سے آواز ملا کر گانا بھی گیا جس کی ویڈیو انہوں نے اپنے ٹوئٹر اکاؤنٹ سے شیئر بھی کی۔  دہانی کے ساتھ ساتھ وہاں موجود بچے بھی اپنے درمیان پاکستانی کھلاڑی کی موجودگی سے محظوظ ہوتے رہے۔

مصنف کے بارے میں