لاہور: پاکستان سپر لیگ ( پی ایس ایل) کے دسویں ایڈیشن کے ٹکٹوں کی فروخت کا آغاز 3 اپریل سے ہوگا۔ شائقین کرکٹ آن لائن ٹکٹیں جمعرات کو سہ پہر 3 بجے سے PCB.tcs.com.pk پر خرید سکیں گے، جبکہ فزیکل ٹکٹ 7 اپریل سے ملک بھر کے نجی کوریئر سینٹرز پر دستیاب ہوں گے۔
آن لائن خریدی گئی ٹکٹیں نجی کوریئر سینٹرز کے مخصوص پک اپ پوائنٹس سے حاصل کی جا سکیں گی۔
پی ایس ایل 10 کے مقابلے چار شہروں کراچی، لاہور، ملتان اور راولپنڈی میں ہوں گے، جبکہ فائنل 18 مئی کو قذافی اسٹیڈیم لاہور میں کھیلا جائے گا۔
پی ایس ایل کے چاروں وینیوز کے عام ٹکٹوں کی قیمت 650 روپے مقرر کی گئی ہے، جبکہ افتتاحی میچ کے ٹکٹ 1000 روپے سے 8500 روپے تک دستیاب ہوں گے۔
واضح رہے کہ پی ایس ایل 10 کا افتتاحی میچ اسلام آباد یونائیٹڈ اور لاہور قلندرز کے درمیان راولپنڈی کرکٹ اسٹیڈیم میں کھیلا جائے گا۔